Thursday, 27 February 2014

وساوس غیرمقلدیت : وسوسه = امام ابوحنيفه رحمه الله ضعيف راوى تهے محدثین نے ان پرجرح کی هے ؟؟

وسوسه = امام ابوحنيفه رحمه الله ضعيف راوى تهے محدثین نے ان پرجرح کی هے ؟؟
جواب = امام ابوحنیفہ رحمہ الله کو ائمہ حدیث نے حُفاظ حدیث میں شمارکیا ہے ،
عالم اسلام کے مستند عالم مشہور ناقد حدیث اور علم الرجال کے مستند ومُعتمد عالم علامہ ذهبی رحمہ الله نے امام ابوحنیفہ رحمہ الله کا ذکراپنی کتاب ( تذکره الحُفَّاظ ) میں کیا ہے ، جیسا کہ اس کتاب کے نام سے ظاہر ہے کہ اس میں حُفاظ حدیث کا تذکره کیا گیا ہے ، اور محدثین کے یہاں ( حافظ ) اس کو کہاجاتا ہے جس کو کم ازکم ایک لاکھ احادیث متن وسند کے ساتھ یاد ہوں اور زیاده کی کوئی حد نہیں ہے ، امام ذهبی رحمہ الله تو امام ابوحنیفہ رحمہ الله کو حُفاظ حدیث میں شمار کریں ، اور ہندوستان میں انگریزی دور میں پیدا شده فرقہ جدید اہل حدیث کہے کہ امام ابوحنیفہ رحمہ الله کو ستره احادیث یاد تهیں ، اور وه ضعيف راوى تهے ، اور علم حدیث سے نابلد تهے ، اب کس کی بات زیاده معتبر ہے ؟
تذکره الحُفَّاظ سے امام ابوحنیفہ رحمہ الله کا ترجمہ درج ذیل ہے
أبو حنيفة الإمام الأعظم فقيه العراق النعمان بن ثابت بن زوطا التيمي مولاهم الكوفي: مولده سنة ثمانين رأى أنس بن مالك غير مرة لما قدم عليهم الكوفة، رواه ابن سعد عن سيف بن جابر أنه سمع أبا حنيفة يقوله. وحدث عن عطاء ونافع وعبد الرحمن بن هرمز الأعرج وعدي بن ثابت وسلمة بن كهيل وأبي جعفر محمد بن علي وقتادة وعمرو بن دينار وأبي إسحاق وخلق كثير. تفقه به زفر بن الهذيل وداود الطائي والقاضي أبو يوسف ومحمد بن الحسن وأسد بن عمرو والحسن بن زياد اللؤلؤي ونوح الجامع وأبو مطيع البلخي وعدة. وكان قد تفقه بحماد بن أبي سليمان وغيره وحدث عنه وكيع ويزيد بن هارون وسعد بن الصلت وأبو عاصم وعبد الرزاق وعبيد الله بن موسى وأبو نعيم وأبو عبد الرحمن المقري وبشر كثير. وكان إماما ورعا عالما عاملا متعبدا كبير الشأن لا يقبل جوائز السلطان بل يتجر ويتكسب.قال ضرار بن صرد: سئل يزيد بن هارون أيما أفقه: الثوري أم أبو حنيفة؟ فقال: أبو حنيفة أفقه وسفيان أحفظ للحديث. وقال ابن المبارك: أبو حنيفة أفقه الناس. وقال الشافعي: الناس في الفقه عيال على أبي حنيفة. وقال يزيد: ما رأيت أحدًا أورع ولا أعقل من أبي حنيفة. وروى أحمد بن محمد بن القاسم بن محرز عن يحيى بن معين قال: لا بأس به لم يكن يتهم ولقد ضربه يزيد بن عمر بن هبيرة على القضاء فأبى أن يكون قاضيا. قال أبو داود : إن أبا حنيفة كان إماما.وروى بشر بن الوليد عن أبي يوسف قال: كنت أمشي مع أبي حنيفة فقال رجل لآخر: هذا أبو حنيفة لا ينام الليل، فقال: والله لا يتحدث الناس عني بما لم أفعل، فكان يحيي الليل صلاة ودعاء وتضرعا. قلت: مناقب هذا الإمام قد أفردتها في جزء. كان موته في رجب سنة خمسين ومائة .أنبأنا ابن قدامة أخبرنا بن طبرزد أنا أبو غالب بن البناء أنا أبو محمد الجوهري أنا أبو بكر القطيعي نا بشر بن موسى أنا أبو عبد الرحمن المقرئ عن أبي حنيفة عن عطاء عن جابر أنه رآه يصلي في قميص خفيف ليس عليه إزار ولا رداء قال: ولا أظنه صلى فيه إلا ليرينا أنه لا بأس بالصلاة في الثوب الواحد
امام ذهبی رحمہ الله کی مذکوره بالا عبارات میں کئ باتیں قابل غور ہیں 
1 = امام ذهبی رحمہ الله عالم اسلام کے مشہور ومعتمد امام وناقد حدیث ہیں ، جس کو علماء اسلام  خاتمة شيوخ الحديث اور خاتمة حفاظ الحديث کے القاب سے یاد کرتے ہیں ، امام ابوحنیفہ رحمہ الله کی سیرت کی ابتداء ((الإمام الأعظم)) کہ کر کرتے ہے ، اور یہ لفظ ((الإمام الأعظم)) فرقہ اہل حدیث کے بعض جہلاء گلے میں کانٹے کی طرح چبتا ہے 
 2 = امام ذهبی رحمہ الله نے امام ابوحنیفہ رحمہ الله کے تابعی ہونے کا اقرار بهی کیا ، ہم کہتے ہیں کہ اگر بالفرض امام ابوحنیفہ رحمہ الله کی فضیلت اور کوئی بهی نہ ہو تو ان کے شرف وفضل کے یہی کافی ہے کہ وه تابعی ہیں ، جبکہ فرقہ اہل حدیث کے بعض جہلاء کو امام صاحب کا یہ شرف بهی پسند نہیں ، اور حسد وجہل کی وجہ سے اس بارے میں کیا کچھ ہانکتے رہتے ہیں 
3 = امام ذهبی رحمہ الله نے یہ بهی فرمایا کہ میں نے امام ابوحنیفہ رحمہ الله کی سیرت میں ایک مستقل کتاب بهی لکهی ہے ، مناقب هذا الإمام قد أفردتها في جزء ، اور درحقیقت امام ابوحنیفہ رحمہ الله کی علمی وعملی کارنامے اتنے وسیع وکثیر ہیں کہ امام ذهبی رحمہ الله نے اپنی کتاب ((سير أعلام النبلاء)) میں امام اعظم کے ترجمہ میں یہ بهی اقرار کیا کہ امام اعظم کی سیرت بیان کرنے کے لیے دو مستقل کتابیں لکهنے کی ضرورت ہے . وسيرته تحتمل أن تفرد في مجلدين رضي الله عنه ورحمه ، اسی طرح امام ذهبی رحمہ الله نے اپنی کتاب ((سير أعلام النبلاء)) میں امام اعظم کے فضائل ومناقب میں بہت کچھ نقل کیا . من شاء فليراجع اليه
وسوسه = امام ابوحنيفه رحمه الله ضعيف راوى تهے محدثین نے ان پرجرح کی ہے ؟؟ 
جواب = دنیائے اسلام کی مستند ائمہ رجال کی صرف دس کتابوں کا نام کروں گا ، جو اس وسوسه کو باطل کرنے کے لیئے اورایک صاحب عقل کی تسلی کے لیے کافی ہیں ، 
1 = امام ذهبی رحمه الله حدیث و رجال کے مسنتد امام ہیں ، اپنی کتاب (( تذکرة الحُفاظ )) میں امام اعظم رحمه الله کے صرف حالات ومناقب وفضائل لکهے ہیں ، جرح ایک بهی نہیں لکهی ، اور موضوع کتاب کے مطابق مختصر مناقب وفضائل لکهنے کے بعد امام ذهبی رحمه الله نے کہا کہ میں نے امام اعظم رحمه الله کے مناقب میں ایک جدا و مستقل کتاب بهی لکهی ہے 
2 = حافظ ابن حجرعسقلانی رحمه الله نے اپنی کتاب (( تهذیبُ التهذیب )) میں جرح نقل نہیں کی ، بلکہ حالات ومناقب لکهنے کے بعد اپنے کلام کو اس دعا پرختم کیا ((مناقب أبي حنيفة كثيرة جدا فرضي الله عنه وأسكنه الفردوس آمين )) امام ابوحنيفه رحمه الله کے مناقب کثیر ہیں ، ان کے بدلے الله تعالی ان سے راضی ہو اور فردوس میں ان کو مقام بخشے آمین
3 = حافظ ابن حجرعسقلانی رحمه الله نے اپنی کتاب (( تقريب التهذيب )) میں بهی کوئ جرح نقل نہیں کی 
4 = رجال ایک بڑے امام حافظ صفی الدین خَزرجی رحمه الله نے اپنی کتاب (( خلاصة تذهيب تهذيب الكمال )) میں صرف مناقب وفضائل لکهے ہیں ، کوئ جرح ذکرنہیں کی ، اور امام اعظم رحمه الله کو ((امام العراق وفقیه الامة)) کے لقب سے یاد کیا ، واضح ہو کہ کتاب (( خلاصة تذهيب تهذيب الكمال )) کے مطالب چارمستند کتابوں کے مطالب ہیں ، خود خلاصة ، اور 
5 = تذهيب تهذيب الكمال في أسماء الرجال . امام ذهبی رحمه الله
6 = ألكمال في أسماء الرجال . امام عبدالغني المَقدسي رحمه الله
7 = تهذيب الكمال . امام ابوالحجاج المِزِّي رحمه الله
کتاب (( ألكمال )) کے بارے میں حافظ ابن حجرعسقلانی رحمه الله نے اپنی کتاب (( تهذیبُ التهذیب )) کے خطبہ میں لکهتے ہیں كتاب الكمال في أسماء الرجال من أجل المصنفات في معرفة حملة الآثار وضعا وأعظم المؤلفات في بصائر ذوي الألباب وقعا اور خطبہ کے آخرمیں کتاب ( ألكمال ) کے مؤلف بارے میں لکها هو والله لعديم النظير المطلع النحرير
8 = کتاب تهذيب الأسماء واللغات . میں امام نووي رحمه الله سات صفحات امام اعظم رحمه الله کے حالات ومناقب میں لکهے هیں ، جرح کا ایک لفظ بهی نقل نہیں کیا 
9 = کتاب مرآة الجنان وعبرة اليقظان . میں امام أبو محمد عبدالله بن أسعد اليمني المعروف باليافعي‏ رحمه الله امام اعظم رحمه الله کے حالات ومناقب میں کوئ جرح نقل نہیں کی ، حالانکہ امام یافعی نے ( تاریخ بغداد ) کے کئ حوالے دیئے ہیں ، جس سے صاف واضح ہے کہ خطیب بغدادی کی منقولہ جرح امام یافعی کی نظرمیں صحیح وثابت نہیں ہیں
10 = فقيه إبن العماد الحنبلي رحمه الله اپنی کتاب ((شذرات الذهب في أخبار من ذهب)) میں صرف حالات ومناقب ہی لکهے ہیں ، جرح کا ایک لفظ بهی نقل نہیں کیا 
فائده = اصول حدیث کی مستند کتب میں علماء امت نے یہ واضح تصریح کی ہے ، کہ جن ائمہ کی عدالت وثقاہت وجلالت قدر اہل علم اور اہل نقل کے نزدیک ثابت ہے ، ان کے مقابلے میں کوئی جرح مقبول و مسموع نہیں ہے-

مکمل تحریر >>

وساوس غیرمقلدیت : وسوسہ= امام ابوحنیفہ رحمہ الله کو صرف ستره ( 17 ) احادیث یاد تهیں ؟؟

وسوسہ= امام ابوحنیفہ رحمہ الله کو صرف ستره ( 17 ) احادیث یاد تهیں ؟؟

جواب = یہ وسوسہ بہت پرانا ہے جس کو فرقہ اہل حدیث کے جہلاء نقل درنقل چلے آرہے ہیں ، اس وسوسہ کا اجمالی جواب تو ( لعنة الله علی الکاذبین ) ہے ، اور یہ انهوں نے ( تاریخ ابن خلدون ) کتاب سے لیا ہے ، ایک طرف تو اس فرقہ کا دعوی ہے کہ ہمارے اصول صرف قرآن وسنت ہیں ، لیکن امام ابوحنیفہ رحمہ الله سے اس درجہ بغض ہے کہ ان کے خلاف جو بات جہاں سے بهی ملے وه سر آنکهوں پر ہے ، اس کے لیئے کسی دلیل وثبوت وتحقیق کی کوئی ضرورت نہیں ہے، اگرچہ کسى مجہول آدمی کا جهوٹا قول کیوں نہ ہو ، یہی حال ابن خلدون کے نقل کرده اس قول کا ہے 
تاریخ ابن خلدون میں ہے (( فابوحنیفه رضی الله عنه یُقال بلغت روایته الی سبعة عشر حدیثا اونحوها )) فرقہ اہل حدیث کے بعض جاهل ومتعصب شیوخ عوام کو گمراه کرنے کے لیئے اس کا ترجمہ اس طرح کرتے ہیں کہ امام ابوحنیفہ رحمہ الله کو ستره ( 17 ) احادیث یاد تهیں ، حالانکہ اس عبارت کا یہ ترجمہ بالکل غلط ہے ، بلکہ صحیح ترجمہ یہ ہے کہ ابوحنیفہ رضی الله عنه کے متعلق کہا جاتا ہے کہ ان کی روایت ( یعنی مَرویات ) ستره ( 17) تک پہنچتی ہیں 
اس قول میں یہ بات نہیں ہے کہ امام ابوحنیفہ رحمہ الله کو صرف ستره (17 ) احادیث یاد تهیں ، لہذا ابن خلدون کے ذکرکرده اس قول مجہول کا مطلب یہ ہے کہ امام ابوحنیفہ رحمہ الله نے جواحادیث روایت کیں ہیں ان کی تعداد ستره ( 17 ) ہے ، یہ مطلب نہیں کہ امام ابوحنیفہ رحمہ الله نے کُل ستره ( 17 ) احادیث پڑهی ہیں ، اور اہل علم جانتے ہیں کہ روایت حدیث میں کمی اور قلت کوئی عیب ونقص نہیں ہے ، حتی کہ خلفاء راشدین رضی الله عنہم کی روایات دیگر صحابہ کی نسبت بہت کم ہیں 
2 = تاریخ ابن خلدون (ج 1 ص 371 ) پر جو کچھ ابن خلدون رحمہ الله نے لکها ہے ، وه اگربغور پڑھ لیا جائے تواس وسوسے کا حال بالکل واضح ہوجاتا ہے 
3 = ابن خلدون رحمہ الله نے یہ قول ( یُقال ) بصیغہ تَمریض ذکرکیا ہے ، اور علماء کرام خوب جانتے ہیں کہ اہل علم جب کوئی بات ( قیل ، یُقالُ ) سے ذکرکرتے ہیں تو وه اس کے ضعف اورعدم ثبوت کی طرف اشاره ہوتا ہے 
اور پهر یہ ابن خلدون رحمہ الله کا اپنا قول بهی نہیں ہے ، بلکہ مجهول صیغہ سے ذکرکیا ہے ، جس کا معنی ہے کہ ( کہا جاتا ہے ) اب یہ کہنے والا کون ہے کہاں ہے کس کوکہا ہے ؟؟؟ کوئی پتہ نہیں ، پهر ابن خلدون رحمہ الله نے کہا ( اونَحوِها ) یعنی ان کوخود بهی نہیں معلوم کہ ستره ہیں یا زیاده 
4 = ابن خلدون رحمہ الله مورخ اسلام ہیں ، لیکن ان کو ائمہ کی روایات کا پورا علم نہیں ہے ، مثلا وه کہتے ہیں کہ امام مالک رحمہ الله کی مَرویّات (موطا ) میں تین سو (300) ہیں ، حالانکہ شاه ولی الله رحمہ الله فرماتے هیں کہ (موطا مالک) میں ستره سو بیس ( 1720 ) احادیث موجود ہیں
5 = اور اس وسوسہ کی تردید کے لیئے امام اعظم رحمہ الله کی پندره مسانید کو هی دیکهہ لینا کافی ہے ، جن میں سے چار تو آپ کے شاگردوں نے بلاواسطہ آپ سے احادیث سن کرجمع کی ہیں ، باقی بالواسطہ آپ سے روایت کی ہیں ،
اس کے علاوه امام محمد امام ابویوسف رحمهما الله کی کتب اور مُصنف عبدالرزاق اور مُصنف ابن ابی شیبہ ہزاروں روایات بسند مُتصل امام اعظم رحمہ الله سے روایت کی گئ ہیں ، اور امام محمد رحمہ الله نے ( کتاب الآثار ) میں تقریبا نوسو ( 900 ) احادیث جمع کی ہیں ، جس کا انتخاب چالیس ہزار احادیث سے کیا.


مکمل تحریر >>

Wednesday, 26 February 2014

وساوس غیرمقلدیت : وسوسہ = امام ابوحنیفہ رحمہ الله کی اتباع بہتر ہے یا محمد رسول الله صلى الله عليه وسلم کی ؟

وساوس غیرمقلدیت

الحمد لله رب العالمين والصلاة والسلام على المبعوث رحمة للعالمين وخاتم النبیین والمرسلین سيدنا محمد وعلى آله وصحبه اجمعین
مقدمة البحث
سرزمین ہند میں انگریزی دور اقتدار میں اسلام اور اہل اسلام کو کمزور کرنے کے لیے بہت سارے فرقے پیدا کیے گئے ، ان فرقوں میں سے ایک اہل حدیث کے نام سے بهی بنایا گیا ، یہ ایک روشن اور ناقابل انکار تاریخی حقیقت ہے کہ اس فرقے کا وجود انگریز دور سے پہلے نہ صرف ہندوستان بلکہ پوری دنیا میں کہیں نہیں تھا ، لہذا یہ بات اظہر من الشمس ہے کہ اس فرقہ جدید کا مولد ومسکن ہندوستان ہے ، ابتداء میں اس فرقہ کے لوگ اہل حدیث اور محمدی اور موحد کہلاتے تھے ، اور وہابی یا غیرمقلد کے نام سے بهی پکار ے جاتے تھے ، پهر اس فرقہ کے ایک سرکرده عالم محمد حسین بٹالوی صاحب نے انگریزی حکومت کودرخواست دی کہ ان کوسرکاری طور پر اہل حدیث کا نام دیا جائے ، لہذا بٹالوی صاحب کی کوششوں سے سرکاری دفاتر اور کاغذات میں اس فرقہ کو اہل حدیث کے نام سے موسوم کیا گیا ، پهر وقت گذرنے کے ساتھ ساتھ اس فرقہ کے ابناء مختلف رنگ بدلتے رہے ، اور گوناگوں روحانی امراض ان میں سرایت کرتے رہے ، حتی کہ مختلف صفات قبیحہ مثلا بدگمانی ، بدزبانی ، خودرائی ، کذب وفریب ، جہالت وحماقت ، وغیره ان میں سے اکثر کے اہم اوصاف بن گئے ، سلف صالحين خصوصا امام أعظم أبوحنيفہ اور آپ کے تلامذه ومتبعین پر طعن وتشنیع اور سب وشتم اور تضلیل وتفسیق اور استہزاء وتمسخر اور توہین وتضحیک اس فرقہ نومولود کا خاص وصف بن گیا ، جیسا کہ اس فرقہ سے باخبر افراد خوب جانتے ہیں ، اور بعض جہلاء اس فرقہ میں شامل ہوکر شیخ کے لقب سے پکارے جانے لگے ، پهر انهیں نام نہاد شیوخ نے ناواقف مسلمانوں کو بے راه کرنے کے لیے بہت سارے وساوس وکذبات مشہور کیے ، جس کے ذریعے اکثر ناواقف مسلمانوں کو بے راه کیا جاتا ہے ، اس طرح ایک عام آدمی ان کی ملمع سازی اور وساوس واکاذیب کی جال میں پهنس جاتا ہے ، اس لیے الله تعالی کی توفیق سے میں نے اراده کیا کہ ان کے مشہور وساوس واکاذیب کی جمع کروں ، اور ان کا جواب حتی الوسع اختصار کے ساتھ عام فہم انداز میں ذکر کروں ، تاکہ ایک عام آدمی ان کے وساوس ودجل وفریب سے خوب واقف وخبردار ہوجائے ، ان شاء الله کوئی بهی صاحب عقل وانصاف یہ بحث پڑہے گا تو وه ان وساوس کے باطل وفاسد ہونے یقین کرے گا ، اور یہ بحث بغور پڑہنے کے بعد ان شاء الله ان وساوس سے کبهی متاثر نہیں ہوگا ، ہاں اگر کوئی ضد وتعصب وجہل کی وجہ سے ان وساوس کا بطلان وفساد جاننے کے بعد بهی ان وساوس کو نہیں چهوڑتا ، تو ایسے شخص کا علاج کسی کے پاس نہیں ہے ، اور ان سطور کی تحریر سے میرا مقصد صرف اور صرف حق واہل حق کا دفاع وتائید کرنا ہے ، اور باطل وجهوٹ کا رد وتعاقب کرنا ہے ، اور حق وسچ وصواب کی طرف عام مسلمانوں کی راہنمائی کرنا ہے 

وأشرع بتوفيق الله وفضله في الرد على وساوسهم الباطلة ومزاعهم الفاسدة وأوهامهم السخيفة وأفكارهم الزائغة وآرائهم الكاسدة وأباطيلهم الماكرة وأكاذيبهم الشنيعة وإتهاماتهم القبيحة وإفتراأتهم الغليظة التي ورثوها من الجهلة الكذابين والحاسدين الحاقدين المتعصبين الذين أعماهم العداوة والتعصب والبغضاء فأضلوا بها العوام من الناس فلذالك أردت أن اكتب هذه السطور كي يكون الناس على بصيرة من أمرهم وماقصدت من تحرير هذه السطور إلا إحقاق الحق وإبطال الباطل وإرشاد الناس الى الحق والصواب إِنْ أُرِيدُ إِلَّا الْإِصْلَاحَ مَا اسْتَطَعْتُ وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ 
وسوسہ = امام ابوحنیفہ رحمہ الله کی اتباع بہتر ہے یا محمد رسول الله صلى الله عليه وسلم کی ؟
جواب = یہ وسوسہ ایک عام آدمی کو بڑا خوشنما معلوم ہوتا ہے ، لیکن دراصل یہ وسوسہ بالکل باطل وفاسد ہے ، کیونکہ امام ابوحنیفہ رحمہ الله اور محمد رسول الله صلی الله علیہ وسلم کا تقابل کرنا ہی غلط ہے ، بلکہ نبی کا مقابلہ امتی سے کرنا یہ توہین وتنقیص ہے ، بلکہ اصل سوال یہ ہے کہ کیا محمد رسول الله صلی الله علیہ وسلم کی اطاعت واتباع امام ابوحنیفہ رحمہ الله ( اور دیگر ائمہ اسلام ) کی راہنمائی میں بہترہے یا اپنے نفس کی خواہشات یا ناقص عقل اور آج کل کے نام نہاد جاهل شیوخ کی اتباع میں بہترہے ؟؟
لہذا ہم کہتے ہیں کہ محمد رسول الله صلی الله علیہ وسلم کی اطاعت واتباع امام ابوحنیفہ تابعی رحمہ الله اور دیگر ائمہ مجتهدین کی اتباع وراہنمائی میں کرنا ضروری ہے ، اور اسی پرتمام اہل سنت عوام وخواص وسلف وخلف کا اجماع واتفاق ہے ، اور یہی طرز راه نجات ہے ، لیکن بدقسمتی سے ہندوستان میں انگریزی دور میں ایک جدید فرقہ پیدا کیا گیا جس نے بڑے زور وشور سے یہ نعره لگانا شروع کیا کہ دین میں ان ائمہ مجتهدین خصوصا امام ابوحنیفہ تابعی رحمہ الله کی اتباع وراہنمائی ناجائز وشرک ہے ، لہذا ایک عام آدمی کو ان ائمہ اسلام کی اتباع وراہنمائی سے نکال کر ان جہلاء نے اپنی اور نفس وشیطان کی اتباع میں لگادیا ، اور ہر کس وناکس کو دین میں آزاد کردیا ، اور نفسانی وشیطانی خواہشات پرعمل میں لگا دیا ، اور وه حقیقی اہل علم جن کے بارے قرآن نے کہا (( فاسئلوا اهل الذکران کنتم لا تعلمون )) عوام الناس کو ان کی اتباع سے نکال کر ان جاہل لوگوں کی اتباع میں لگا دیا جن کے بارے حضور صلی الله صلی الله علیہ وسلم نے فرمایا (( فأفتوا بغیرعلم فضلوا وأضلوا )) اور پهر مزید ستم یہ کہ ان جہلاء کی تقلید واتباع کا نام صراط مستقیم رکهہ دیا ، اور عام لوگوں کو قرآن وسنت کے نام پر بلا کر درپرده ان ہی چند جہلاء کی افکار وخیالات کی اتباع پر اوران کی اندهی تقلید میں ڈال دیا جاتا ہے
 .فإلى الله المشتكى وهوالمستعان 
بشکریہ : جناب مولاناحافظ خان – حق فورم

مکمل تحریر >>